នៅថ្ងៃទី៣០ ខែមករា ឆ្នាំ២០១០ កន្លងទៅថ្មីៗនេះ កុមារី យស ស្រីនាថ មានអាយុ១៣ឆ្នាំ បានបាត់ខ្លួនពីផ្ទះនៅវេលាម៉ោង៧ល្ងាច ដោយសារតែការភ័យខ្លាចព្រោះបានធ្វើឲ្យប្អូនស្រីដួលមានរបួសត្រង់មាត់រួចក៏បានរត់ចេញពីផ្ទះ។ លោក ជ័យ សារុន ត្រូវជាឪពុកបង្កើតរបស់កុមារី យស ស្រីនាថ ដែលសិក្សានៅសាលាបឋមសិក្សាហ៊ុននាង ថ្នាក់ទី៥គ។ កុមារីមានមាឌស្ដើង សម្បុរស្រអែម កាត់សក់ការេ ហើយមុនចេញពីផ្ទះប្អូនស្រីស្លៀកពាក់ខោអាវគេងយប់ហើយអាវមានប្រឡាក់ឈាមមាត់របស់ប្អូនស្រីរបស់នាង។
សម្រាប់ដំណើររឿងលម្អិត សូមចុចទីនេះ៖
http://www.closer.com.kh/Closer_Show_Informations_Detail.aspx?subcatfirstID=65&subID=39
កម្មវិធីមនុស្សធម៌ «នេះមិនមែនជាសុបិន» សូមប្រកាសស្វែងរក លោក ឃី ស៊ីនួន ដែលត្រូវជាបងប្រុសបង្កើតរបស់លោក ឃី ស៊ីណាត។ លោកមានឪពុកឈ្មោះ ឃី ឡុត និងម្ដាយឈ្មោះ សេន សោរ។ ក្នុងសម័យលុននុល លោក ឃី ស៊ីនួន ធ្វើជាគ្រូបង្រៀនប៉ូលិសនៅសាលាស្វាយជ្រុំក្នុងទីរួមខេត្តកំពង់ឆ្នាំង។ លោក ឃី ស៊ីណាត បានបែកបាក់ពីបងប្រុសនៅក្នុងកំឡុងឆ្នាំ១៩៩៧៥ ដោយសាររបបពុលពត។ លោក ឃី ស៊ីនួន មានប្រពន្ធ ឈ្មោះ ចែស្រួយ និងមានកូនចំនួន២នាក់ គឺ ឃី អនុស្សារីយ៍ ហៅស្រស់ និងឃី អនុស្សាវ ហៅច្រូច។ បើសិនជាលោក ឃី ស៊ីនួន ដែលត្រូវជាបងប្រុសបង្កើតរបស់លោក ឃី ស៊ីណាត ឬអ្នកដែលបានស្គាល់លោក ឃី ស៊ីនួន សូមទំនាក់ទំនងមកកាន់កម្មវិធីមនុស្សធម៌ «នេះមិនមែនជាសុបិន» តាមរយៈទូរស័ព្ទលេខ ០៩៧៥ ០៩៧ ០៩៧។
ជាងរយៈពេលជិតមួយខែកន្លងមកហើយដែលលោកជ័យ សារុន បានខំស្វះស្វែងរកកូនស្រី ឈ្មោះ យស ស្រីនាថ ស្ទើរតែអស់ពីលទ្ធភាព។ នេះមិនមែនជាសុបិន ប៉ុន្តែនេះគឺជាការពិតសម្រាប់លោក ជ័យ សា រុនដែលបានដឹងដំណឹងថាកូនស្រីរបស់លោកកំពុងស្នាក់នៅក្នុងភូមិត្រពាំងរាំង ឃុំតានី ស្រុកអង្គជ័យ ខេត្តកំពត។ លោក ជ័យ សា រុន បានទទួលដំណឹងនេះនៅថ្ងៃទី២៣ ខែកុម្ភៈ ឆ្នាំ២០១០។ ជាសំណាងល្អ កុមារី យស ស្រីនាថ បានប្រទះជួបនឹងអ្នកដែលមានចិត្តមេត្តាករុណាធម៌យកមកចិញ្ចឹមបីបាច់ ថែរក្សាប្រៀបដូចជាកូនបង្កើតតាំងពីរយៈពេលបាត់ខ្លួនមួយថ្ងៃ។
លោកស្រី សូ សុជាតា ត្រូវបានឪពុកចិញ្ចឹមឈ្មោះ សូ ស៊ុន យកមកចិញ្ចឹមចាប់តាំងបងស្រីមានអាយុបានមួយឆ្នាំមកម្ល៉េះ។ លោក សូ ស៊ុន បានសុំម្ដាយ ឪពុកបង្កើតរបស់លោកស្រី សូ សូជាតា យកមកចិញ្ចឹមនៅក្នុងអំឡុងឆ្នាំ(១៩៧៥)។ លោក សូ ស៊ុន ធ្វើជាអ្នកបើកយន្តហោះ មានថានន្តរៈសក្តិ ពាក់សក្តិប្រាំ កាលពីក្នុងរបបលន់ណុល។ លោក សូ ស៊ុន មានប្រពន្ធ ឈ្មោះ ដែន ស៊ីវន និងមានកូនបង្កើតចំនួន៣នាក់ និងមានកូនចិញ្ចឹមមួយគឺជាលោកស្រី សូ សុជាតា ។