លោក សឺន ឃឹម កើតនៅឆ្នាំ ១៩៦៣ មានស្រុកកំណើតនៅ ភូមិតាំងសឺង ឃុំតាំងសឺងវិញ ខេត្តយ៉ាដិន។ លោក សឹន ឃឹម មានឪពុកឈ្មោះ សឺន ឃួន ម្តាយឈ្មោះ ច្រឹង សាវាន ហៅ (វ៉ា) ហើយលោកមានបងប្អូនចំនួន៨នាក់ ប្រុស៥នាក់ ស្រី៣នាក់ កូនទី១ឈ្មោះ សឺន រុន កូនទី២ឈ្មោះសឺន ឃឹម កូនទី៣ឈ្មោះ សឺន ធីវឿង កូនទី៤ឈ្មោះ សឺន សុង កូនទី៥ សឺន ធីសំបូ កូនទី៦ឈ្មោះ សឺន ធីអៅគីន កូនទី៧ឈ្មោះ សឺន ឃឹម កូនទី៨ឈ្មោះ សឺន ថាន់។ ឥឡួវនេះលោក សឺន ឃឹម មានប្រពន្ធឈ្មោះ សឺន ថារី មានកូនចំនួន៥នាក់ ប្រុស២នាក់ និង ស្រី៣នាក់។ លោក សឺន ឃឹម កំពុងស្វែងរកលោក សឺន រុន ត្រូវជាបងបង្កើត។
នៅក្នុងអំឡុងឆ្នាំ(១៩៧២) លោក សឺន រុន បានចូលធ្វើជាទាហានលន់នុលក្នុងបក្សកន្សែងសនៅ បុរីកីឡា។ មេទាហានបក្សកន្សែងសឈ្មោះ សឺង យ៉ន គាត់បានស្លាប់នៅក្នុងឆ្នាំ(១៩៧៥) ម្យ៉ាងទៀតលោក សឺង យ៉ន ត្រូវជាមេទាហានរបស់លោក សឺន រុន។ លោក សឺន រុន គាត់មិនដែលចេញទៅច្បាំងទេ ព្រោះគាត់នៅខាងផ្នែកបកប្រែភាសាបារាំងឲ្យពួកទាហានលន់នុល។
លោក សឺន ឃឹម ជាប្អូនប្រុសរបស់លោក សឺន រុន បានបែកបាក់គ្នានៅក្នុងឆ្នាំ (១៩៧៣) នៅម្តុំការ៉ាស់សាំង ចេង ហេង ក្បែរពេទ្យលោកសង្ឃពីមុន ដោយលោក សឺន ឃឹម បានធ្វើដំណើរត្រឡប់ទៅប្រទេសវៀតណាមវិញក្នុងឆ្នាំ(១៩៧៣)។ក្រោយមកលោក សឺន ឃឹម ក៏បានបាត់ដំណឹងពីបងប្រុសរបស់គាត់រហូត។ លុះមកដល់ឆ្នាំ(១៩៧៥) ក៏បានទទួលដំណឹងពី បងប្រុសរបស់គាត់តាមរយៈឈ្មោះ យី ជាតិ នៅកម្ពុជាក្រោម ជាអ្នកឃើញលោក សឺន រុន នៅម្តុំរង្វង់មូល នាងគង្ហីង ក្បែរផ្សារអូរឬស្សី។ ប៉ុន្តែសព្វថ្ងៃ មិនដឹងថាលោក យី ជាតិ រស់នៅទីណាទេ ហើយក៏មិនដឹងថាគាត់ស្លាប់ ឬ រស់ដែរ។ ចាប់តាំងពីឆ្នាំ(១៩៧៥) រហូតមកដល់សព្វថ្វៃនេះលោក សឺន ឃឹម មិនដែលបានទទួលដំណឹងពីបងប្រុសរបស់លោកទៀតឡើយ ហើយក៏មិនដែលបានទទួលដំរ៉ុយថារស់នៅទីណាឡើយ និង មិនដឹងថាបងប្រុសរបស់គាត់នៅរស់ ឬ ក៏ស្លាប់ឡើយ។
លោក សឺន រុន ហៅ សឺន សុភា ឬ ចឹង ថិន កើតនៅឆ្នាំ១៩៥១ មានស្រុកកំណើតនៅ ភូមិហឹងហយ ស្រុកយិនឡយ ខេត្តបាក់លាវ។ លោក សឺន រុន ជាបងបង្កើតរបស់លោក សឺន ឃឹម ហើយក៏ជាកូនទី១នៅក្នុងគ្រួសារ។ លោក សឺន រុន មានឪពុកឈ្មោះ សឺន ឃួន ម្តាយឈ្មោះ ច្រឹង សាវាន ហៅ (វ៉ា) មានបងប្អូនបង្កើតចំនួន៨នាក់ ប្រុស៥នាក់ ស្រី៣នាក់ កូនទី១ឈ្មោះ សឺន រុន កូនទី២ឈ្មោះ សឺន ឃឹម កូនទី៣ឈ្មោះ សឺន ធីវឿង កូនទី៤ឈ្មោះ សឺន សុង កូនទី៥ សឺន ធីសំបូ កូនទី៦ឈ្មោះ សឺន ធីអៅគីន កូនទី៧ឈ្មោះ សឺន ឃឹម កូនទី៨ឈ្មោះ សឺន ថាន់។ លោក សឺន រុន មានប្រពន្ធឈ្មោះ ម៉ែ ឡាច់ មានកូនប្រុស២នាក់ កូនប្រុសទី១ឈ្មោះ ឡុំ ពេជ្រ ទី២ឈ្មោះ ម៉ូ រ៉ាន់ហើយប្រពន្ធរបស់គាត់មានស្រុកកំណើតនៅខេត្តកំពង់ចាម។ ទោះបីជាលោក សឺន ឃឹម បានបែកពីបងប្រុសអស់រយៈពេលជាយូរណាស់មលហើយក៏លោកនៅតែនឹកឃើញបងប្រុស ហើយនៅតែខិតខំស្វែងរកបងប្រុសជានិច្ច។
ប្រសិនបើលោក សឺន រុន ដែលត្រូវជាបងប្រុសបង្កើតរបស់លោក សឺន ឃឹម បានឭដំណឹងនេះឬលោកអ្នកដែលបានស្គាល់ឬក៏ប្រទះជួបអ្នកដែលមានភិនភាគដូចដែលបានរៀបរាប់ជូនខាងលើសូមទស្សនិកជនទំនាក់ទំនងមកកាន់កម្មវិធីយើងខ្ញុំតាមរយៈទូរសព្ទ័លេខ ០៩៧៥ ០៩៧ ០៩៧ ឬ មកទំនាក់ទំនងដោយផ្ទាល់នៅអគ្គនាយកដ្ឋានវិទ្យុ និង ទូរទស្សន៍បាយ័ន៕
